大家最近討論嘅話題都係T1 3:1 擊敗大魔王JDG，我就真係好傷心，不過仲有The Shy，加油呀！
Faker拒絕倒讚嘅經過我就唔多講，今日想同大家討論下大家對BM嘅態度。大家都狂讚Faker拒絕倒讚，Faker本身對LOL非常認真，職業素養非常好，再加上謙虛嘅性格，令到眾人都不得不佩服佢，好難令人討厭。不過我唔認為就算Faker真係BM會有咩問題，只係人設會有啲崩壞。
我覺得BM嘅界線應該係只停留遊戲層面，只要唔牽涉人身攻擊，我認為都冇乜問題。大家熟悉嘅BM應該有Gori喺LCK倒讚Faker、世界賽Loud下路Brance「Bot Gap」、CSGO比賽會企起身鬧對手等等，我認為都相當有趣，係有自信嘅表現，同時又令比賽增加趣味，被BM嘅選手又冇事後表達不滿。
我相信大家對於BM嘅態度應該幾開方，因為根本就冇人會批評BM，不過都有例外，例如JT嘅上路「車長」完場BM，的確有唔少台灣觀眾批評，不過我認為台灣觀眾太矯枉過正，明明車長都有問對方俾唔俾先做，例如趴喺度喊嗰次。其實大家最在意嘅係尊重同體育精神。
杭州亞運網球單打南韓選手權純雨輸波之後打爛網球拍同埋拒絕握手，佢呢個舉動引起好多罵聲，話佢「毫無運動家精神」；仲有C朗為人詬病嘅脾氣問題，前者當然冇運動家精神，但係C朗某一啲場上舉動真係大家所講冇體育家精神？佢可能只係對自己要求高，所以自我責備，一切都有待商榷。
正所謂「人品好就自然牌品好」，大家這個保持謙虛學習嘅心，我相信大家終有一日可以成為「麻雀大俠」。
