FRANK Esports（FAK）全勝結束第5周賽事。呢個禮拜係PCS春季賽常規賽最後一個禮拜，一齊睇下FAK有冇辦法保持連勝，爭取到頭兩名出線季後賽。
VS CTBC Flying Oyster（CFO）
CFO上路選手Rest同打野選手Gemini依舊強勁，不過冇咗輔助選手Koala之後中後期營運有時會出現問題。第一輪比賽CFO擊敗FAK，呢輪FAK能唔能夠復仇呢？
CFO：吶兒、菲艾、安妮、亞菲利歐、睿娜妲
FAK：伊瑞莉雅、維爾戈、塔莉雅、剎雅、雷歐娜
開局5分鐘，雙方下路對拼，雷歐娜首殺睿娜妲。6分半雙方下河對拼，睿娜妲再一次被殺。
9分半雙方下路對拼，睿娜妲第3次被殺。
23分雙方爆發小龍團戰，維爾戈先行被秒。伊瑞莉雅R閃切死亞菲利歐同安妮。雖然FAK攞唔到龍魂，但係佢哋1換4打贏團戰。
29分鐘CFO rush完小龍撤退，安妮先被抓死。雷歐娜E閃配合伊瑞莉雅R閃進場，CFO無力還擊，FAK 0換4壓制戰場。
31分半CFO 中野下4人單捉伊瑞莉雅，伊瑞莉雅先反殺亞菲利歐後觸發復活甲。塔莉雅同吶兒趕到，伊瑞莉雅鎖血擊殺菲艾同睿娜妲，吶兒shut down伊瑞莉雅之後被擊殺。FAK 上中 2打5，1換4！！與此同時，FAK其他隊友攞巴龍拆主堡，FAK獲勝。
VS PSG Talon（PSG）
PSG重建得非常成功，主宰PCS賽區，如無意外應該首名出線。補上世界冠軍打野選手JunJia之後再一次起飛，究竟有冇人阻止到佢哋呢？
FAK：蓋倫、史瓦妮、維克特、剎雅、銳空
PSG：賽恩、伊莉絲、阿祈爾、路西恩、娜米
開局10分半，雙方下河3打3，銳空首殺伊莉絲。16分鐘剎雅一個人企草叢被捉死，21分鐘PSG攞到3條小龍聽胡。
26分半，史瓦妮拼重攞到小龍截胡。銳空閃開俾阿祈爾推走，蓋倫大寶劍斬殺賽恩，剎雅R閃帶走路西恩同娜米。FAK 0換3，攞到巴龍。
36分半小龍重生，FAK喺自家紅buff野區先捉死伊莉絲，路西恩同賽恩切後排擊殺維克特。史瓦妮去龍區途中被人捉死，PSG推爆下路兵營，解鎖水龍魂。
40分鐘蓋倫繞後俾人捉到，PSG攞到巴龍。PSG帶領3路強化小兵推進，FAK頂唔住兵線壓力，PSG獲勝。
VS Dewish Team（DWT）
雖然DWT已經提前宣佈出局，但係實力唔可以忽視。佢哋嘅中援選手實力唔差，一唔小心就將你拉落水㗎啦！
DWT：史瓦妮、維爾戈、犽凝、寇格魔、亞歷斯塔
FAK：關、茂凱、杰西、維迦、銳兒
開局7分半杰西單殺犽凝。10分半茂凱杰西塔殺犽凝後半血，維爾戈趕到1打2失敗被反殺。
24分半關1打2被反殺。與此同時，FAK捉死維爾戈同犽凝。FAK以人數優勢攞到巴龍。
27分半FAK推進對手高地，史瓦妮同亞歷斯塔先開團，傷害跟唔上俾FAK反打。史瓦妮同亞歷斯塔陣亡，DWT防守唔住，FAK獲勝。
VS CTBC Flying Oyster（CFO）
FAK同CFO以12-6並列第2名，呢場加賽將會決定邊隊先係真正嘅第2名，晉級PCS 2023春季賽季後賽勝者組第2輪。
FAK：剛普朗克、史瓦妮、塔莉雅、亞菲利歐、瑟雷西
CFO：吶兒、菲艾、維克特、剎雅、安妮
開局8分鐘，史瓦妮gank下路，亞菲利歐首殺安妮。11分鐘CFO 3人捉到落單嘅瑟雷西，先行陣亡。FAK其他隊友趕到，加上剛普朗克大技，以人數優勢1換2打贏團戰。
24分半雙方爆發小龍團戰，瑟雷西勾到吶兒，吶兒被集火陣亡。剛普朗克繞後雙連桶秒殺安妮，FAK 0換2攞到聽牌龍。
27分半，塔莉雅編織者之牆配合冰河籠牢擊殺維克特。吶兒繞後推3個，但係佢嘅隊友俾剛普朗克3連桶炸到爽歪歪。CFO死剩剎雅，FAK 1換4攞到巴龍。
30分半FAK喺巴龍區追住CFO打，亞菲利歐想秒維克特衝上前，打佢唔死反而自己走太前被殺，FAK呢波2換1輸少少。
33分CFO野下輔3人單捉剛普朗克。Solokill先AQ反殺菲艾，再連桶秒殺安妮，打殘剎雅，原來係Solokill 1個單捉對面3個！！！與此同時FAK其他隊友先擊殺維克特，再收埋剩低對方成員。FAK 1換5團滅對手，CFO冇人防守，FAK獲勝。
TLDR
FAK最終以13-6鎖定PCS 2023春季賽常規賽第2名！接住落嚟佢哋會繼續旅程，挑戰冠軍寶座。全港班進軍MSI唔係夢！大家一定要支持佢哋呀！！！
相關連結
PCS Twitch粵語頻道：https://www.twitch.tv/lolpacifichk
