FRANK Esports（FAK）以1-2結束第4周賽事。PCS得返兩個禮拜，戰況越嚟越緊湊。FAK接落嚟都會大戰強敵，究竟佢哋可唔可以過關斬將呢？
VS Deep Cross Gaming（DCG）
DCG雖然係前段班隊伍，但係基本上以下路為輸出核心。上中野 3位老人可能因為年紀問題，大部分時間都選坦克或功能性英雄。如果下路冇辦法發揮應有嘅實力，佢哋就冇人carry。
FAK：賽恩、史瓦妮、勒布朗、路西恩、娜米
DCG：剛普朗克、悟空、阿卡莉、艾希、漢默丁格
開局3分半史瓦妮Q閃配合勒布朗首殺阿卡莉。前中期雙方都冇太大碰撞，不過FAK用兩隻預示者營運，20分鐘經濟領先大約4k。
21分鐘雙方爆發小龍團戰，悟空繞後閃大FAK 3個，阿卡莉跟上切後排。雖然FAK安全撤退，但係DCG到小龍。25分半FAK借巴龍打團，以史瓦妮換漢默丁格之後撤退，賽恩坦咗足足1分鐘都未死！
28分半賽恩喺巴龍河道開大撞到剛普朗克，仲Q埋後面嘅艾希同漢默丁格，史瓦妮出奇地三連殺，攞到巴龍。31分鐘FAK推中下兩路，勒布朗先秒殺漢默丁格。FAK諗住 4打5強開團打得有啲急，中下雙c被擊殺唯有撤退。
36分鐘FAK攞巴龍全中，勒布朗先秒殺艾希，路西恩想秒剛普朗克反被擊殺，悟空同阿卡莉擊殺勒布朗之後陣亡。DCG最後兩個人攔唔住FAK 3個人，FAK獲勝。
VS Impunity（IMP）
IMP 3路可C，電競傭兵Mission依舊保持以往嘅主宰力。不過佢哋對前段班嘅戰績唔靚，可能對手對付佢哋有一套。
FAK：賽恩、奈德麗、杰西、剎雅、雷歐娜
IMP：剛普朗克、古拉格斯、奧莉安娜、亞菲利歐、納帝魯斯
開局5分鐘，FAK野下塔殺對面下路，奈德麗首殺。6分鐘FAK上野輔塔殺剛普朗克，與此同時IMP 3包1塔殺剎雅。10分鐘半，賽恩放棄經濟，配合下輔擊殺IMP雙人線。
15分半IMP攞下小龍撤退，雷歐娜E閃接大留住佢哋，FAK 0換3，經濟領先3k。22分鐘FAK開巴龍被偷，IMP挽回些少劣勢。
28分鐘FAK先手擊殺剛普朗克，賽恩超強坦度切割戰場，FAK 2換3推到中路水晶兵營。30分15秒FAK再一次先手擊殺剛普朗克，攞下巴龍。
31分半IMP rush走小龍，雖然雷歐娜成功繞後，但係傷害跟唔上。IMP成功反打0換3。36分鐘FAK拼重成功解鎖火龍魂，雷歐娜控到亞菲利歐，但係依舊傷害跟唔上，冇人阻止到亞菲利歐輸出，IMP 3換4。
40分鐘雙方爆發巴龍團戰，FAK先手秒殺納帝魯斯，賽恩同雷歐娜接連控場其他人。剛普朗克同亞菲利歐死咗之後發動守護天使，成頓傷害差啲逆轉團戰形勢，不過FAK都成功 3換4，攞下巴龍。
43分鐘FAK poke殘IMP眾人攞下遠古龍，利用火龍魂同遠古龍魂強開IMP。IMP擋唔住雙龍魂嘅強大，FAK獲勝。
VS SEM9 WPE（S9W）
S9W喺第3周賽事攞咗2連勝，本來以為佢哋會起飛結果打回原形。唔可以睇小提早宣布出局嘅佢哋，一唔小心就會俾人拉落水。
FAK：吶兒、伊莉絲、維克特、燼、雷歐娜
S9W：雷尼克頓、維爾戈、古拉格斯、法洛士、賽特
開局4分半伊莉絲配合吶兒首殺雷尼克頓，12分鐘吶兒單殺雷尼克頓，13分鐘再單殺佢1次。18分鐘吶兒已經領先雷尼克頓1件大裝。
21分鐘雙方爆發小龍團戰，吶兒繞後大3個，FAK團滅S9W，攞下聽牌龍。
23分鐘吶兒分推下路，古拉格斯守唔住被單殺。S9W另外4人趕到，賽特捨身留住吶兒，無奈吶兒繼續拉扯反殺雷尼克頓。大魔王Solokill 1打5，擊殺3人！！！與此同時，FAK其他隊友攞下巴龍。
25分半Solokill喺S9W泉水前面又一次solokill雷尼克頓。S9W冇力對抗吶兒，FAK喺呢隻大怪獸帶領下獲勝。
TLDR
FAK全勝結束第5周賽事，確定晉級季後賽！經過調整之後FAK一洗頹氣，再一次展露佢哋嘅王者風範。3月9號到3月11號將會係PCS 2023春季賽常規賽最後一個禮拜，FAK亦會迎戰頭兩名嘅PSG Talon同CTBC Flying Oyster，相信FAK可以首名出線，大家千奇唔好錯過！！！
相關連結
PCS Twitch粵語頻道：https://www.twitch.tv/lolpacifichk
