呢幾年，大家經常性會聽到有人叫你「支持香港電競」，但大家又知唔知其實實際上可以做咩呢？
要知道點樣可以支持香港電競，首先當然就係要知道電競係點運作啦！
香港既電競產業主要圍繞住電競比賽（附圖）
不論係玩家、戰隊、選手、贊助商乃至比賽既主播、賽評其實都仰賴於舉辦比賽去維持落去，而能夠長遠咁有本地比賽，就需要靠大家積極咁參與本地比賽。因為有參賽者先至有比賽；而有比賽就能夠發掘到更多選手同人才；咁樣先可以維持遊戲同電競既熱度！
當然啦，唔係每個人都鍾意/擅長落場打比賽既，咁既話其實你都可以多啲睇本地選手有份參與既賽事直播（梗係要聽廣東話旁述！）、選手平時既個人直播，同埋多啲意思選手同戰隊動向等等，有時間既話，亦都不妨親身參與唔同既線下活動/比賽，感受一下線下比賽既氣氛，全場觀眾再加主播賽評既旁述，係同你係屋企睇直播完全唔同feel架！
除此之外，日常碌Facebook/Instagram見到相關既post幫手CLS都可以增加到香港電競既熱度，而贊助商們見到比賽有熱度，自然會再加大力度支持！有餘力既話，可以買埋比賽/活動既週邊商品，甚至直接課金支持一班默默努力緊既電競團體/組織或者隊伍，係香港推動電競唔係一件容易既事黎架。
同埋！！作為學生既你地，其實成立電競學會都係支持電競既方法黎架！
用學校名義組隊參戰，除左可以訓練團隊精神、學識同隊友溝通、一齊為學校帶黎榮耀之外！仲可以用學會身份，係學校宣傳唔同既本地活動同埋比賽，令更加多人接觸到電競行業。等老師、家長同其他同學仔都可以深入啲了解電競，對於推動本港電競都有好大既幫助架。
最後，大家可以跟我一齊背個口訣:有game先會有電競，有sponsor先會有比賽！除左CLS之外，仲要實際以行動支持：買遊戲、買贊助商既商品，唔做免費仔！
