【賽事回顧】香港動漫電玩節2022

一年一度嘅香港動漫電玩節喺8月2號正式落幕,唔知大家有冇買到自己嘅心頭好呢?

今年嘅動漫電玩節活動相當豐富,但最吸引我地嘅,當然就係令一眾機迷緊張又興奮嘅電競嘉年華啦!

今年嘅電競嘉年華係由CGA同香港動漫電玩節攜手合辦,為大家帶嚟一連五天嘅電競賽事,其中包括「POCO 電競盃傳說對決挑戰賽」、「Monster Energy絕地求生M能量挑戰賽」、仲有我哋上次同大家分享過嘅「Mercedes—Benz Hong Kong League of Leagues Tournament 2022」同埋「《APEX英雄》掠奪盃」等等。

每一場賽事都精彩絕倫,在場嘅觀眾都睇得好投入,各位選手都出盡全力為自己嘅隊伍攞到優異嘅成績。

當中最想同大家分享一定係「Monster Energy絕地求生M能量挑戰賽」。今次嘅比賽除左好睇之餘更加邀請到人氣直播主達哥同歌手Tyson Yoshi同場較量,達哥話自己唔夠Tyson Yoshi大隻,所以特登染埋頭髮希望輸人唔輸陣咁喎。

今年嘅電競嘉年華好順利咁結束,好期待下年嘅電競嘉年華會越做越大,為大家帶黎更多精彩絕倫嘅賽事,我哋拭目以待!

Leave a Comment

發佈留言必須填寫的電子郵件地址不會公開。 必填欄位標示為 *

error: Content is protected !!