【電競知識】 —— 《英雄聯盟 – Dopa禁賽》
睇波見到黑哨出沒，其中一邊參賽者受到唔公平對待，都會引起好大爭議。電競比賽亦會遇到呢類情況， 將會同大家發掘唔同遊戲具爭議嘅大件事，大家不妨分享自己嘅睇法。
打開英雄聯盟嘅一定識得Faker，但係佢出道嗰年仲出現另一個中路奇才Dopa。佢喺2013年組建業餘戰隊Team Dark，一路順風順水殺入OGN（而家嘅LCK），攞到冬季賽2014參賽資格，可以同S3世界冠軍SK Telecom T1一較高下。可惜佢做代打俾Client惱羞成怒舉報，俾Riot封號1000年，禁賽2年。就算禁賽期完咗，賬號被封都唔可以參賽，變相永久禁賽。
如果唔係出現意外，S3結算韓服第一寶座一定屬於Dopa。禁賽之後轉行做直播，S4開始挑戰國服，結算Dopa獨佔頭二。連續八年登頂韓服，絕對係世一路人王。不過最近銷聲匿跡，聽講去咗當兵。
LEC賽區Karmine Corp戰隊周楊博打假賽都只係俾人禁賽4個月。LCS賽區FlyQuest戰隊Jensen選手因為言語辱罵、掛機等違規行為同樣俾人永久禁賽，但係之後Riot俾佢重新做人。冇影響體育精神嘅Dopa反而俾人永久禁賽。點解唔可以再俾一次機會佢呢？
韓國原本可以存在兩位大魔王，可惜Faker行輝煌冠軍路，Dopa行英雄悲情路，演繹唔同嘅人生。你哋對Dopa禁賽又有咩睇法呢？
撰文：顏值擔當啤梨君
