【賽制介紹】LTA 2025
LTA 2025 將會喺1月26號（日）開打。今年LTA同樣有改賽制。我已經做好功課啦，等我嚟話俾大家聽啦~
LTA賽區由北美LCS、巴西CBLoL同拉丁美洲LLA組成，分做南北區，每區8隊。北區有6隊LCS戰隊、1隊LLA同一隊客席戰隊。南區有6隊LLA戰隊、1隊LLA同一隊客席戰隊
今年LTA分為三個賽季，第一賽季採取全新嘅全局BP賽制。南北區分開打雙敗淘汰BO3，每區頭四晉級季後賽，最後冠軍可以參加全新國際賽First Stand 2025。
第二賽季開始用返正常BP賽制，轉打雙循環BO1，頭六晉級季後賽。不過今次季後賽南北區會分開打BO5，最後兩區冠軍先會決一勝負，爭取MSI 2025資格。
第三賽季就有趣啦。LTA採用全新嘅Pick & Play制度。頭三個禮拜，戰績比較差嘅戰隊可以自由選擇戰績比較好嘅對手。每區頭三晉級季後賽之餘，每區第一名亦會直接晉級世界賽，最後一張世界賽門票由淨低四隊爭取。
LOL五個賽區嘅賽制介紹完啦！我哋一齊期待下每個賽區有邊隊會脫穎而出啦！！！
撰文：顏值擔當啤梨君
