【賽制介紹】LPL 2025
LPL 2025 將會喺1月12號（日）開打。今年LPL同樣有改賽制。我已經做好功課啦，等我嚟話俾大家聽啦~
今年LPL分為三個賽段。第一賽段採取全新嘅全局BP賽制，一個BO入面兩邊用過嘅英都唔可以再出現。簡單啲講，Game 5會有40隻英冇得揀！值得一提嘅係選邊權參考咗上年PCS，以賽前單挑決定。跟著同現有賽制差唔多，頭八晉級季後賽，最後冠軍可以參加全新國際賽First Stand 2025。
第二賽段開始用返正常BP賽制，將十六隊嘅第一賽段成績分成四組，打完一Round之後再分成登峰組同涅槃組。頭六晉級季後賽，最後冠亞軍可以參加MSI 2025。值得留意嘅係，第二賽段包尾二隊會直接Bye Bye，備戰下年。
第三賽段同樣會分成登峰組同涅槃組，不過就冇咗區域資格賽，季後賽頭三直接晉級世界賽。
雖然第二賽段直接淘汰兩隊有啲狠，不過可以拉高返整體水平。今年世界賽主場喺中國，我哋一齊期待下LPL喺主場嘅實力啦！
撰文：顏值擔當啤梨君
