【賽制介紹】LEC 2025
LEC 2025 將會喺1月18號（六）開打。今年LEC同樣有改賽制。我已經做好功課啦，等我嚟話俾大家聽啦~
今年LEC會將比賽版本實時同步遊戲版本，大家睇比賽可以更加體驗到戰隊對版本嘅了解。LEC分為三個賽段，冬季賽、春季賽同夏季賽。冬季賽採取全新嘅全局BP賽制。以往LEC聯賽打BO1為主，俾人認為係賽區實力下跌嘅原因之一。今年除咗冬季常規賽之外，一律打返BO3同BO5。頭八晉級季後賽，最後冠軍可以參加全新國際賽First Stand 2025。
春季賽開始用返正常BP賽制，除咗冇咗BO1之外，同以為春季賽冇乜大分別。頭六晉級季後賽，最後冠亞軍可以參加MSI 2025。
夏季賽將十隊分成兩組，打單循環BO3，，頭八晉級季後賽，最後頭三直接晉級世界賽。
LEC係少數保留BO1嘅賽區，保留比賽刺激嘅體驗。不過LEC好耐都冇崛起啦。希望今年LEC可以做黑馬，打贏中韓戰隊。我哋一齊期待佢哋重鑄賽區榮光啦！
撰文：顏值擔當啤梨君
