【賽制介紹】LCK 2025
LCK 2025 將會喺1月15號（三）開打。新年新面目，今年LOL得返5個賽區，賽制亦同以往有好大改變。我已經做好功課啦，等我嚟話俾大家聽啦~
首先介紹嘅係冠軍賽區LCK，今年LCK一開始會以LCK Cup回歸，採取全新嘅全局BP賽制。一個BO入面兩邊用過嘅英都唔可以再出現。簡單啲講，Game 5會有40隻英冇得揀！Round 1 Hanwha Life同Gen.G各自係隊長，揀其餘4隊組成一team。Hanwha Life係可以同T1一隊㗎！兩條team互打，勝者組頭3隊直接晉級季後賽，敗者組包尾淘汰。跟著同現有賽制差唔多，最後冠軍可以參加全新國際賽First Stand 2025。
LCK Cup完咗就去返常規賽，常規賽唔再分春季賽夏季賽，由頭打到尾，一年只有一個冠軍！常規賽一共五Round，頭兩Round完咗頭6隊可以爭取MSI資格，頭兩隊晉級MSI。
其餘Round 3開始會按頭兩Round成績將戰隊分成Legeng同Rise兩組，接落嚟三Round都會打返組內戰隊。之後同現有賽制差唔多，不過就冇咗區域資格賽，季後賽頭3直接晉級世界賽。
相信今年LCK會更加fun，LCK cup有機會見到Zeus同T1前隊友並肩作戰，又可以睇到選手嘅英雄海。常規賽中後段又可以睇到實力相近嘅戰隊互相搏斗，每一場都唔可以miss呀！
撰文：顏值擔當啤梨君
